» Материалы за Февраль 2016 года

Спорт яңалыклары

22 (11106) | 27-02-2016, 16:11 | Спорт | Просмотров: 272 | Комм.: 0
Бәйрәм көннәрендә хоккей сөючеләр мавыктыргыч уеннар шаһиты булдылар. 21 февраль көнне өлкәннәр төркемендәге 6 команда арасында төнге хоккей лигасы Кубогына ярышлар үтте.
Чакмагыш беренче урта мәктәбе һәм гимназиянең боз мәйданнарында Бүздәк, Имәнлекул, Чакмагыш, Югары Аташ командалары, Яңа Балтач һәм Тайняш, Рапат һәм Калмашбаш авылларының җыелма командалары тәүдә төркемнәргә бүленеп уйнадылар, аннан соң финал ярышлары үтте. Командалар арасында үзара көч сынашу киеренке шартларда барды. Һәр команда җиңү өчен бар осталыгын салып уйнарга тырышты. Судьялар уеннарга нәтиҗә ясаганнан соң җиңүчеләр игълан ителде: Чакмагыш командасы җиңүче исеменә лаек булды, II урынны Югары Аташ командасы яулады, III урында Рапат һәм Калмашбаш авылының җыелма командасы, IV урында Имәнлекул, V урынны Бүздәк авылы һәм Яңа Балтач һәм Тайняш авылының җыелма командалары бүлеште. Турнирның иң яхшы һөҗүм итүчесе – Рапат авылыннан Юлай Таюпов, иң яхшы сакчысы – Югары Аташ авылыннан Рөстәм Биктимеров, иң яхшы капкачы булып Чакмагыштан Алмаз Аллаяров танылды. Җиңүчеләр кубок, Мактау грамоталары һәм медальләр белән бүләкләнде.



Районыбыз данын ил күләмендә арттырып

22 (11106) | 27-02-2016, 16:09 | Район яңалыклары | Просмотров: 318 | Комм.: 0
Районыбыз данын ил күләмендә арттырып
“Базы” авыл хуҗалыгы җитештерү кооперативы – районыбыз һәм республикабыз гына түгел, хәтта тоташ Русия күләмендә билгеле икътисади яктан куәтле, социаль мәсьәләләрне тел тидермәслек итеп хәл итә баручы, районыбыз икътисадының терәк баганасы дип әйтерлек ныклы хуҗалык.



Сәнгатьтә дә сынатмыйлар

21 (11105) | 25-02-2016, 10:23 | Район яңалыклары | Просмотров: 276 | Комм.: 0
Сәнгатьтә дә сынатмыйлар
Күптән түгел район мәдәният йортында республика эчке эшләр органнары һәм бүлекчәләре хезмәткәрләре катнашлыгында Русия полициясенең 300 еллыгына багышланган ХVII үзешчән сәнгать фестиваленең төбәк этабы үтте.



Әй, туган җир, Иске Бәшир, дөнья ямьләп яшьнә син!

21 (11105) | 25-02-2016, 10:20 | Район яңалыклары | Просмотров: 310 | Комм.: 0
Әй, туган җир, Иске Бәшир, дөнья ямьләп яшьнә син!
2015 ел вакыйгаларга бай булды, районыбызга 85 ел тулган көннәр тарих битләренә алтын хәрефләр языла.
Әйе, языла димен, чөнки бу олуг юбилейның тәэсир көче, бүген дә тырыш хезмәтебездә чагыла җыр-моңнарыбызга кушыла, күңелләребезгә генә сыймыйча киңлекләргә ачыла. Һәр эшебез туган җирне баетуга юнәлгән, җырларыбыз – зурлау, данлау өчен языла.
Узган елның Әдәбият елы дип игълан ителүе дә районда әдәби-мәдәни тормышны тагын да кайнатып җибәрде: яшәгән җирне данлап шигырьләр язылды, көйләргә салынды, кичә-концертларда башкарылды. Хәзер һәр авылның үз җыры бар. Үзешчәннәрнең район бәйгесен дә шушы олуг бәйрәмгә багышлау җыр-моңнарны халыкка таратырга киң мөмкинлек тудырды. Кайсы гына коллектив чыгышын карама, туган якны сөю белән сугарылган гүзәл җырлар башкарыла. Үзебез иҗат иткән, үз җырла-рыбыз. Иске Бәшир авыл Советы авыл биләмәсе үзешчәннәренең чыгышы да туган җиргә мәдхия булды.



23 февраль — Ватанны саклаучылар көне

20 (11104) | 19-02-2016, 10:35 | Котлаулар | Просмотров: 728 | Комм.: 0
Илебез иминлеге ышанычлы кулларда

23 февраль — Ватанны  саклаучылар  көне
Хөрмәтле райондашлар!

23 февраль Русиянең данлы көннәре тарихына олы бәйрәм – Ватанны саклаучылар көне булып уелып калды. Төрле елларда Ватаныбызның азатлыгы һәм бәйсезлеге өчен кулларына корал алып көрәшкән, бүгенге тыныч тормышыбызны тәэмин итү хакына яу кырларында гомерләрен корбан иткән ата-бабаларыбыз, абый-апаларыбызның тиңдәшсез каһарманлыгы тарих битләренә алтын хәрефләр белән уелган. Илебездә революцион үзгәрешләр чорында төрле яклардан ябырылган чит ил баскынчыларыннан, Бөек Ватан сугышы елларында фашист илбасарларыннан коткарып калган кыю яугирләрнең данлы эшләрен бүген Кораллы Көчләр сафларында хезмәт итүче ватандашларыбыз лаеклы дәвам итә, Ватаныбыз мәнфәгатьләрен яклый.



Исеме җисеменә туры килеп тора

20 (11104) | 19-02-2016, 10:33 | Район яңалыклары | Просмотров: 269 | Комм.: 0
Исеме җисеменә туры килеп тора
“Победа” авыл хуҗалыгы җитештерү кооператив-колхозы әгъзаларының узган хуҗалык елына йомгак ясау һәм агымдагысына эшчәнлек юнәлешләрен билгеләүгә багышланган хисап-сайлау җыелышында муниципаль район хакимияте башлыгының беренче урынбасары Ригат Нурый улы Хаҗиев, Тозлыкуш авыл Советы авыл биләмәсе хакимияте башлыгы Зөлфия Мөбәрәк кызы Камалова, ярышучы хуҗалык – җаваплылыгы чикләнгән “Бәхтизин” җәмгыяте директоры Мөдәрис Хәмәтҗан улы Гафаров һәм киңкүләм мәгълүмат чаралары вәкилләре катнашты.



Спорт. СПОРТ. СПОРТ

19 (11103) | 18-02-2016, 10:53 | Спорт | Просмотров: 263 | Комм.: 0
Спорт. СПОРТ. СПОРТ
21 февраль көнне өлкәннәр төркемендәге командалар арасында төнге хоккей лигасы кысаларында шайбалы хоккей буенча ярышлар оештырыла. Анда Чакмагыш, Бүздәк, Имәнлекул, Югары Аташ командасы, Яңа Балтач һәм Тайняш, Рапат һәм Калмашбаш авылларының җыелма командалары катнашачак. Бәйгеләр Чакмагыш беренче урта мәктәбе һәм гимназиянең боз мәйданнарында иртәнге 10.00 сәгатьтә башлана. Көярмәннәрне киеренке, мавыктыргыч уеннарны күзәтергә көтеп калабыз.