Кычыткан белән кузгалаклы аш пешердегезме әле?

Кирәк булачак: 1әр бәйләм кычыткан (учка сыярлык) һәм кузгалак, 4әр сабак петрушка һәм укроп, 4 йомырка, 4 бытбылдык йомыркасы (булмаса да ярый), 5 бәрәңге, 1 баш суган, 2 кишер, берәр чеметем тоз, борыч, кыздыру өчен үсемлек мае. 2 литр шулпа (су).

Суганны шакмаклап турыйбыз, кишерне угыч аша чыгарабыз да, алтынсу төскә кергәнче, майда кыздырабыз. Йомырканы пешерәбез. Суынгач, шакмаклап турыйбыз. Яшел тәмләткечләрне, шул исәптән кузгалакны – юабыз, кычытканны кайнап торган суда 1–2 минут пешеклибез. Барысын да ваклап турыйбыз.

Кайнап торган шулпага (суга) бәрәңге турап салабыз. Кайнап чыккач, кыздырылган яшелчәне һәм йомырка өстибез. Бәрәңгесе пешкәч, яшел тәмләткечләр һәм кычыткан салабыз, тозлыйбыз-борычлыйбыз. Яшел тәмләткечләрне, кычыткан һәм кузгалакны пешермичә (юкса таркалып бетәчәк), кайнап чыккач ук уттан алабыз.

Ашны тәлинкәләргә бүлгәч, һәркайсына урталай бүленгән пешкән бытбылдык йомыркасын салып чыгарга мөмкин. Бик тәмле, матур һәм файдалы аш!

Чыганак: Ватаным Татарстан

Автор:Лиана Ханмурзина

Читайте нас:

Свидетельство о регистрации СМИ: ПИ № ТУ 02 - 01387 от 5 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Амирханов Ф.Ф.

"Игенче" - общественно-политическая газета Главный редактор Амирханов Ф.Ф.

Телефон

8(34796)3-10-58

Электрон почта

[email protected]

Адресы

452200 Чекмагушевский район, с. Чекмагуш, ул. Ленина, 49.

Реклама хезмәте

8(34796)3-13-63

Редакция

8(34796)3-13-41

Кабул итү бүлмәсе

8(34796) 3-10-58

Хезмәттәшлек

8(34796)3-16-13

Кадрлар бүлеге

8(34796) 3-13-63