Хәтер һәм Кадер кичәсе

29 майда район мәдәният йортында күренекле якташыбыз, җырчы-композитор, чирек гасыр Балалар сәнгать мәктәбен җитәкләгән талантлы педагог, район мәдәният йортында берничә ансамбль оештырып, аларны халык ансамбле дәрәҗәсенә кадәр күтәргән Башкортстанның атказанган мәдәният хезмәткәре Фәүзә Мөхәммәтгата кызы Гасакированың (1954-2010) Хәтер һәм Кадер кичәсе үтте. Анда автор үзе башкарган видеосюжетлар белән бергә ул иҗат иткән җырлар коллегалары, укучы-тәрбияләнүчеләре, мәдәният йорты хезмәткәрләре һәм Балалар иҗат мәктәбендә шөгыльләнүчеләр башкаруында яңгырады. Чара турында тулырак язма “Игенче” гәзитенең киләсе саннарының берсендә урын алачак.