Социаль приютта шоколад көне билгеләп үтелде.

11 июль – Бөтендөнья шоколад көне буларак билгеләнеп үтелә. Шул унайдан балалар һәм яшүсмерләр өчен социаль приютта тәрбияләнүчеләрне тәмле күчтәнәчләр белән сыйладылар. Район мәдәният йортының балалар белән эшләү методисты Лиана Шакирова балаларга шоколад турында сөйләп, викторина, кызыклы уеннар оештырды, шоколад төрләре буенча дегустация үтте. Балаларга бәйрәм бик ошады, көтелмәгән сюрприздан аларның кәефләре тагын да күтәрелде.