“Үсеш ноктасы” мәгариф үзәкләре ачылды

Район үзәгенең беренче урта мәктәбендә һәм гимназиядә “Үсеш ноктасы” (“Точка роста”) санлы һәм гуманитар профильле белем бирү үзәкләре ачылды. Аларда укучылар “Технология”, “Информатика”, “Тормыш хәвефсезлеге нигезләре” кебек дәресләр буенча заманча белем алу мөмкинлегенә ия булачаклар.

Гимназиядә бу үзәкне ачу тантанасында муниципаль район хакимияте башлыгы Реканс Фәнил улы Ямалеев, Башкортстан Республикасы финанс министры вазыйфасын башкаручы Лира Закуан кызы Игътисамова, БР Дәүләт Җыелышы – Корылтай депутаты Вадим Васильевич Соколов та катнаштылар.