Гадәттән тыш хәлләрне кисәтү максатында

Муниципаль район хакимиятендә район биләмәсендә янгын хәвефсезлеген тәэмин итү һәм язгы ташкын вакытында гадәттән тыш хәлләрне кисәтү буенча киңәшмә үтте. Аны муниципаль район хакимияте башлыгының төзелеш һәм торак-коммуналь хуҗалыгы буенча урынбасары А.Җ. Басыйров ачты һәм алып барды. Чарада Башкортстан Республикасының Гадәттән тыш хәлләр буенча дәүләт комитеты рәисе урынбасары М.Х.Задин һәм шушы ук комитет рәисе ярдәмчесе Т.С. Шакиров, 94 санлы янгыннардан саклау-коткару часте җитәкчесе А.Сәитов, район авыл Советы авыл биләмәләре хакимияте башлыклары катнашты.