Җаваплы хезмәттә

Азык утарында бер мең тонна сыешлы базның күз алдында таудай яшел азык белән тула баруына сөенеп, “К-714” тракторчысы Илнур Макулов басудан кайткан массаны өемгә эттерә һәм арлы-бирле йөреп тыгызлый. Ел саен әлеге эшне җиренә җиткереп башкаргач, быел да аны таптауга кушканнар. “Сенажны һава кермәслек итеп ныклап таптыйбыз. Сменада мине тракторчы Лотфрахман абый Хафизов алыштыра. Шулай итеп, тәүлек буе таптыйбыз”, – диде Илнур, эш арасында бер генә минутка тукталып.