Яз – яңару, пөхтәләнү чоры

Район үзәгендә соңгы дүрт атнада һәр шимбә көнне кызу эш кайный. Урамнар, оешма-учреждениеләр биналары һәм йортларның тирә-яклары коелган яфраклардан, кыш дәвамында җыелган чүп-чардан тазартылды, корыган агачлар кисеп түгелде. Экология проблемасы көн үзәгендә торган безнең чорда язгы өмәләрнең мөһимлеген, әйләнә-тирәлектәге пөхтәлекне саклауның тәү чиратта һәркайсыбыз өчен кирәклеген аңлап, бу чараларда дәррәү катнашты райондашлар.