Халык мәнфәгатенә хезмәт итсен

Район үзәк дәваханәсе поликлиникасында урнашкан 3253 санлы сайлау участогында муниципаль район Советына өстәмә сайлау зур оешканлык белән бара. Комиссия рәисе Розалия Әхмәтҗанова сүзләренә караганда, участокта яшәүчеләр кандидатлар арасыннан иң лаеклы дип тапканнары өчен үзләренең мәнфәгатьләрен кайгыртачакларына ныклы ышаныч белән киләләр һәм тавыш бирәләр. Шартлар яхшы, кешеләргә уңайлы. Теләүчеләргә "Хөрмәт" кафесы уңганнары әзерләгән тәмле ризыклар сатып алу мөмкинлеге дә бар.