Эшкуарлар белән чираттагы киңәшмә

Муниципаль район хакимиятенең кече утырышлар залында районыбызда сәүдә эшчәнлеге җәелдергән эшкуарлар белән чираттагы киңәшмә үтте. Аны муниципаль район хакимияте башлыгының финанс мәсьәләләре буенча урынбасары – финанс идарәлеге начальнигы Дамир Фәнил улы Низамов ачты һәм алып барды.

Көн тәртибенә агымдагы елның 1 июленнән үз көченә кергән сөт һәм составына сөт продукциясе кергән азык-төлек белән сәүдә итү кагыйдәләре һәм шулай ук 1 июльдән соң Русия федерациясендә сәүдә исәпләшүендә контроль-касса машиналарыннан файдалану барышы мәсьәләләре кертелгән иде.