ИГЕНЧЕ
-14 °С
Болытлы
75 лет Победы
Барлык яңалыклар
Общие статьи
16 август 2019, 13:29

Мәгариф тармагының иң мөһим мәсьәләләре хәл ителә

Бу сәгатьләрдә Уфадагы “Торау” Конгресс-Холлында республика мәгариф хезмәткәрләренең киң күләмле форумы – традицион август педсоветы бара. Гадәттәгечә, ул яңа уку елы башланыр алдыннан үткәрелә.

Һәр елны август киңәшмәсендә дискуссия мәйданчыклары эшли. Быелгы киңәшмәнең төп үзенчәлеге – мәгариф үсешенең биш көнүзәк юнәлеше буенча стратегик сессияләр үткәрү. Сессияләр барышында тармакта гомумдәүләт проектларын тормышка ашыру мәсьәләләре дә тикшереләчәк.

Киңәшмә эшендә 400дән артык кеше катнаша. Педагоглар, мәгариф өлкәсендә хезмәт салучы белгечләр, республика җитәкчелеге һәм җәмәгатьчелек вәкилләре туган телләрне өйрәнү, сәләтле балалар белән эшләү, мәгариф системасын санлы юнәлешкә күчерү, милли мәгарифне үстерү, урта һөнәри белем бирү эчтәлеген актуальләштерү, балалар ялын һәм аларны сәламәтләндерүне оештыру, дөнья дәрәҗәсендәге фәнни-мәгариф үзәкләрен төзү, сәламәтлекләре буенча мөмкинлекләре чикле булган балаларга ярдәм күрсәтү һәм башка мәсьәләләрне тикшерә.

Сайтка Р.Арсланова әзерләде.

Фото: ачык чыганак.