Республикада “Җиңү” марафоны башланды

Кичә Уфа шәһәрендә “Җиңү” республика марафоны старт алды. Әлеге чара нәкь 7 ноябрь көнне башланды, чөнки 1941 елның шушы көнендә илебез башкаласы Мәскәүдә тантаналы парад узды.Бу парад бөтен дөньяга Мәскәү бирешмәячәген күрсәтергә тиеш иде.Марафонның бурычы-яшьләргә тарих үрнәгендә әхлакый һәм ватанчылык тәрбиясе бирү,аны ата-бабалар тәҗрибәсенә җәлеп итү,Ватанны саклаучылар истәлеген мәңгеләштерү.Киләсе ел Русиядә Хәтер һәм Дан елы дип игълан ителде.Республика марафоны символикасы:”Җиңү”штандарты һәм “Мәңгелек ут”символикасы.Республика марафоны “Җиңү салюты”республика халык иҗаты фестивале кысаларында агымдагы елның ноябреннән киләсе елның маена кадәр үткәрелә һәм Башкортстанның барлык муниципаль районнарын һәм шәһәр округларын җәлеп итә.