Бердәмлек, татулык нәтиҗәсе

Үзешчән сәнгать осталары арасында дәвам иткән “Башкортстаным – җирем, җырлы төягем” район фестивале халык энҗеләрен барлый. Тамьян, Бикмәт, Яңа Коты авылларында гомер иткән төрле буын сәнгать осталары тамашачыларга үзенчәлекле концерт программасын тәкъдим итте. Яңакотылыларның чыгышы ел саен мактауга лаек дисәм, ялгыш булмастыр. Тамаша залының тулы булуы, үзешчәннәргә яуган көчле алкышлар, ихластан әйтелгән рәхмәт сүзләре – гади бер дәлил генә.