Оныклары – зур байлыгы

“Супер Нәнәй” конкурсының дүртенче катнашучысы – Чакмагыштан Светлана Тимерханова. “Мин бик бай нәнәй. Дүрт алтыным – оныкларым бар. Дианага 12, Аскарга 7, Эмирга 4 яшь һәм Радэльгә 5 ай. Мин алар дип җан атып яшим”, –ди ул. Әлбәттә, Светлана Әсгать кызын оныклары да бик якын күрә.
“Без нәнәйне яратыбыз,
Ул да безне ярата.
Безнең нәнәйдән дә әйбәт
Кем бар икән дөньяда?”, – дип үзләре сөйләп, безнең редакциягә шигьри хат юллаган алар.
Бик тә күркәм, якты һәм нәнәйләрнең күңел җылысы белән балкытылган, аларның тырышлыгы белән иҗади да булган конкурсыбыз дәвам итә, хөрмәтле якташлар! Аңа сез дә кушылырга ашыгыгыз.