Бөтен шартлар да бар

(3259 санлы сайлау участогы гражданлык хәле актларын теркәү (ЗАГС) бүлекчәсе бинасында урнашкан.

Биредә сигезенче чакырылыш Дәүләт Думасы депутатларын сайлау өчен барлык шартлар да бар: бинага керү урыныннан ук шәхси саклану чаралары төгәл үтәлә, комиссия әгъзалары махсус саклагыч экран артында урын алган, һәр сайлаучыга аерым ручкалар бирелә. Комиссия рәисе Люция Ингел кызы Насыйбуллина әйтүенчә, комиссия әгъзаларына да, күзәтүчеләргә дә барлык шартлар тудырылган, сайлау санитар-эпидемиологик таләпләр төгәл үтәлеп башкарыла.

Иң беренчеләрдән булып Октябрьнең 70 еллыгы урамының 13 санлы йортында яшәүче Мәккия һәм Фидрат Гарифуллиннар үзләренең гражданлык бурычын үтәп, махсус бүләккә лаек булганнар. Әлеге рәсемдә сез Мәккия ханымны күрәсез.

– Илебез имин, күгебез аяз, пенсияләребез килеп тора, күңелебез тыныч. Артабан да шулай дәвам итүен телибез, – диләр алар.