Әни булу – зур бәхет

”Суперәни” конкурсында икенче катнашучы – Чакмагыштан Валентина Вячеславовна Халикова. Улы Илсурга һәм кызлары Вилена һәм Яринага гомер биргән Валентина ханым өч баласына бөтен назын, сөюен биреп, матур тәрбия биреп үстерә.

“Балаларымны бик яратам. Алар – минем горурлыгым, бәхет кошларым. Әни булу – минем өчен зур бәхет ”, –ди безнең конкурсантыбыз.

Әйткәндәй, бәхетле ана сәүдә тармагында хезмәт сала. Буш вакытларын, ялларны да балалары белән бергә үткәрергә, саф һавада йөрергә ярата ул. Кул эшләре белән шөгыльләнергә, тәмлекәчләр пешерергә оста әни алар белән ихлас эш тәҗрибәсе белән уртаклаша, якыннарына кул һәм күңел җылысын өләшә.