ИГЕНЧЕ
+21 °С
Болытлы
75 лет Победы
Барлык яңалыклар
Новости
4 август , 15:44

Гаиләләр гаиләләргә ярдәм итә

Безнең тормышта ярдәмгә мохтаҗ булган кешеләр байтак. Ә бит күпләребез кечкенәләрне һәм өлкәннәрне бәхетле итә алырбыз дип хәтта уйламыйбыз да. Моның өчен күп көч, вакыт һәм акча да кирәкми. Бары тик хәзер инде үзебез кулланмый торган, яхшы торыштагы әйберләрне аларга мохтаҗ булган кешеләргә тапшыру да җитә. Барысы да бик гади.

Гаиләләр гаиләләргә ярдәм итә
Гаиләләр гаиләләргә ярдәм итә


Районыбызның Гаилә хезмәте белгечләре авыр тормыш хәлендә калган гаиләләргә ярдәм итеп, трансформер, прогулкада йөри торган коляскалар һәм чана-коляска тапшырган якташларыбыз – Чакмагышта яшәүче Айвар Айрат улы һәм Гүзәл Радик кызы Баяновларга, балалар киемнәрен китергән Гөлнара Кларис кызы Иблихаҗиповага ихлас рәхмәтле. “Бу якташларыбыз ярдәм кулын нәкъ вакытында, гаиләләр аңа аеруча мохтаҗ булган вакытта суздылар”, – ди хезмәткәрләр. Без дә үз чиратыбызда бу мәрхәмәтле райондашларыбызга изгелегегез үзегезгә мең игелек булып әйләнеп кайтсын дип телибез.

Фото һәм мәгълүмат чыганагы: Гаилә хезмәтенең “Бәйләнештә” социаль челтәрендәге сайты.

Автор:Сайтка Рәзилә Арсланова әзерләде.
Читайте нас в