+24 °С
Дождь
Новости
10 Августа 2022, 06:15
Кыярның файдасы зур
Түтәлләрдә яшел кыярлар өлгергән мәл. Аны салатлар ясаганда да кулланалар, тозлыйлар да, болай гына да ашыйлар. Ә кыярның никадәр файдалы икәнен беләсезме? Кыярда бәхет гормоны – серотонин бар. Шуңа күрә бу яшелчәне кәеф төшкәндә, арыганда һәм депрессия вакытында ашарга киңәш ителә. Диетологлар авырлыкны киметү, шешләрне бетерү һәм тиренең торышын яхшырту өчен яңа өзелгән кыяр ашарга киңәш итә.
Кыярның файдасы зур
Белгечләр сүзләренчә, ул организмны чистартырга һәм ашкайнату системасы эшчәнлеген нормальләштерергә, целлюлиттан котылырга ярдәм итә.
Бу яшелчә 95 процент судан тора, калган биш процентын клетчатка тәшкил итә.
Кыяр шулай ук май катламы барлыкка килүгә комачаулый торган тартрон кислотасына да бай. Кыярны чистартмыйча гына ашагыз. Аның кабыгында К, А, С һәм В төркеменә керүче витаминнар, шулай ук тимер, калий, фосфор, бакыр һәм магний минераллары бар.
Мәгълүмат һәм фоторәсем чыганагы: “Сәламәт булыгыз” төркеменең “Бәйләнештә”ге социаль челтәре сәхифәсе.
