+28 °С
Болытлы
Новости
15 август 2022, 06:45
Җәйнең бер көне кышны туйдыра
Яшелчәләр өлгерде. Һәр хуҗабикәнең дә кышкылыкка запасларын елдан-ел күбрәк төрләндерәсе килә. Сезнең игътибарга, вак чөгендерләрне әрәм итмәс өчен, аны пешереп, маринадлап куярга тәкъдим итәбез
Җәйнең бер көне кышны туйдыра
Вак чөгендерләрне 35-40 минут пешереп алабыз, әрчибез. Ярып, яки боҗралап турап (кем ничек тели), стерильләнгән банкаларга тутырып куябыз.
Хәзер 1 л. су, 6-7 кара борыч, 3-4 хуш исле борыч, 3-4 лавр яфрагы, 1аш кашыгы тоз алабыз. Шушы массаны кайнатып чыгарабыз да, банкаларга салабыз. Маринадлы банкаларны кәстрүлгә куеп(водяная баня), тагын 30 минут кайнатып алабыз. Кайнап чыкканнан соң, 1 аш кашыгы аш серкәсе салабыз һәм ябып куябыз.
Шушы тәмле чөгендер сезне кышкы кичләрдә гаиләгез белән түгәрәк өстәл янына җыйсын. Җәйнең рәхәт матур көннәре, көзге мәшәкатьләрдә кайнау хәтирәләренә алып барсын.
