+22 °С
Дождь
Новости
22 Августа 2022, 05:20
ҮТКӘНЕН ОНЫТКАН ХАЛЫКНЫҢ КИЛӘЧӘГЕ ЮК!
Хәтерләүдән курыкма, син, Үткәнеңне онытма син! Бел син ерак бабаларның Ничек итеп көн иткәнен: Ни иккәнен, ни чиккәнен, Нинди җырлар, нинди моңнар Безгә калдырып киткәнен... Әби-бабаларыбызның мирасы... Азга гына булса да хәтерләребезгә төшереп, үткәннәребезгә бер генә булса да әйләнеп карыйк әле, кайларда соң ул? Инде башларыбызга кию түгел, аның барлыгын да онытып барган калфакларыбыздамы, биючеләр генә кигән күлмәләрдәге чулпы-тәңкәләрдәме, балаларга кызык итеп кенә сөйләргә калган бишек җырларыбыздамы? Әллә инде ул сандык төпләрендә саргаеп яткан сөлге-тастымаллардамы? Бәлки шушы сорауларга тулы җавап табылыр өчен дә агымдагы 2022 ел Русия халыкларының сәнгате һәм матди булмаган мәдәни мирас елы дип игълан ителгәндер .
ҮТКӘНЕН ОНЫТКАН ХАЛЫКНЫҢ КИЛӘЧӘГЕ ЮК!
Киндеркүл авылы мәдәният йортында онытыла барган изге бәйрәмнәрне, гореф-гадәтләрне хәтердә яңарту һәм саклау, элекке чорның матурлыгын күрсәтү максатыннан бик күп чаралар оештырыла. Ата-бабаларыбыздан калган изге гореф-гадәтләрне, йолаларны, бәйрәмнәрне без – мәдәният өлкәсендә эш алып баручылар, сакларга, онытмаска , дәвам итәргә тиешбез. Аларны мөмкин булган барлык юллар-ысуллар белән халыкка җиткерү өчен өлкәннәрне, балаларны, яшьләрне мәдәният йортына җәлеп итү – безнең төп эш максатыбыз булып тора. Күптән түгел вакыт җилләре белән саргая башлаган кыйммәтле байлыкларыбызны алып балаларга күрсәтү, онытыла башлаган милли йолаларыбызны кабат искә төшерү уңаеннан “Әбием сандыгы” исемле бик матур бәйрәм кичәсе үткәрдек. Язманың тулы варианты белән “Игенче” гәзите битләрендә танышырга була.
