“Киләчәктә актриса булырга хыялланам!” – ди безнең киләсе яшь конкурсантыбыз Юстина Ильясова.

Сәләтле кыз биергә ярата, үскәч актриса булырга тели. Тату, ишле гаиләдә үсүче кыз әти-әнисенең, абый-апаларының да олы шатлыгы һәм горурлыгы. Юстинаның беренче укытучысы Алена Викторовна Ганиева һәр баланың күңеленә ачкыч табарга тырышучы, балалар яратучы, белем бирергә, аларны чын кеше итеп тәрбияләү өчен бөтен көчен салучы, укучыларының сәләтләрен ачучы, аларның уңышларына чын күңеленнән шатлана белүче якты күңелле кеше.