+24 °С
Яңгыр
Новости
9 сентябрь 2022, 11:45
Милли киемнәрдә – тарих чагылышы
9 сентябрь көнендә районыбызның Юмаш авылы балалар бакчасында да Милли костюм көненә багышланган чаралар үтте. Алар кечкенә тәрбияләнүчеләрдә халык традицияләрен белү, өйрәнү һәм аларны саклап калу омтылышын тәрбияләү, милли костюм элементлары исемнәрен өйрәтү һәм исләрендә калдыру максаты белән оештырылды. #учусьвнациональномкостюме,#милликейемдәуҡыйбыҙ,#Милликейемкөнө2022,#ДеньНациональногоКостюма2022
Милли киемнәрдә – тарих чагылышы
Бу көнгә әзерлек барышында тәрбиячеләр “Халык тарихыннан” тематик папкаларын һәм “Милли киемдәге курчаклар” күргәзмәсен булдырдылар. Аларны күрсәтеп, педагоглар балаларны башкорт, чуваш, татар һәм рус халыкларының ир-атлар һәм хатын-кызлар костюмнары үзенчәлекләре, кием элементлары нәкышларының билгеләнеше турында сөйләделәр.
Урта һәм олырак яшьтәге балалар катнашлыгында «Башкортстан халыкларының киемнәре һәм нәкышлары», «Минем киемем» дип исемләнгән аң-белемне арттыручы занятиеләр һәм презентацияләр үтте. Алар барышында малайлар һәм кызлар төбәктә яшәүче милләтләр вәкилләренең костюмнары үзенчәлекләре турында мәгълүмат үзләштерделәр.
Фото һәм мәгълүмат чыганагы: Юмаш авылы балалар бакчасының “Бәйләнештә” челтәрендәге сәхифәсе.
#учусьвнациональномкостюме,#милликейемдәуҡыйбыҙ,#Милликейемкөнө2022,#ДеньНациональногоКостюма2022
