Иң көчле боксчылар бездә!

Ярышларда Салават, Октябрьский, Мәләвез, Дүртөйле, Уфа шәһәрләреннән, Чакмагыш, Морак авылларыннан һәм Уфа районыннан төрле яшьләрдәге спортчылар катнашты. Турнирны ачу тантанасына мәртәбәле кунаклар килде: Уфа муниципаль районы хакимияте башлыгы Николай Павлович Ельников, Башкортстан Республикасы Бокс федерациясенең Уфа районы буенча төбәк бүлеге рәисе Ирек Миңнегали улы Мөхәммәдьяров, Башкортстан Республикасы Бокс федерациясенең башкарма директоры Рим Шәмсетдин улы Бәшәров, Башкортстан Республикасының бокс буенча баш тренеры Рәшит Рәиф улы Әбделмәнов, Башкортстан Республикасы Бокс федерациясенең Уфа районы буенча төбәк бүлеге рәисе урынбасары, ярышларның баш хөкемдары, Уфа районы командасының баш тренеры Вадим Юрьевич Кудинов. Ике көн барган кызу ярышларда районыбыз боксчылары яхшы нәтиҗәләр күрсәтеп, призлы урыннар яулады. Ярышларда бокс буенча югары категорияле тренер Илгиз Габделхәй улы Ибраһимов җитәкчелегендәге районыбызның “Чынгыз” боксчылар клубында шөгыльләнгән спортчыларыбыз район йөзен яклады. Данил Әхмәтҗанов – беренче, Раян Исламов, Тимур Хәкимов, Руслан Кедяров – икенче, Радмир Хәбибшин, Илдан Закиров өченче урыннарны яулады. Тренер Илгиз Габделхәй улы Ибраһимовны һәм яшь спортчыларыбызны лаеклы җиңүләре белән котлыйбыз, яңадан-яңа җиңүләр телибез. Илгиз Габделхәй улы Ибраһимов ярышларда бар яклап ярдәм күрсәткән өчен спортчыларның ата-аналарына рәхмәт җиткерә.