-3 °С
Болытлы
Бакча эшләре тәмамланды инде. Хәзер үстерелгән яшелчәләрдән кышкылыкка ризыклар әзерләр вакыт та үтеп бара. Беребезнең дә тырышлыкларын әрәм итәселәре килми. Без Инзилә Шакирова-Мөсәлләмова рецебы белән бүлешәбез:
1 баш кәбестәне үзегез яратканча турыйсыз яки кырасыз;
1 кишерне эре яки вак кыргычта кырасыз;
8 тырнак сарымсакны түгәрәкләп теләсез;
2 аш кашыгы тоз;
4 аш кашыгы шикәр комы;
0,5 чашка алма серкәсе;
0,5 чашка үсемлек мае(тәмсезен);
кайнап торган су кирәк була.
Кәбестә, кишер, сарымсакны катлам-катлам итеп банканың богазына кадәр тутырасыз да, калган матдәләрне салып, кәбестәне күмгәнче кайнар су коясыз. Бер тәүлектән соң ашарга да була. Ризыгыгыз тәмле булсын!