Яңа ел шәһәрчеге төзелә

Балалар һәм яшүсмерләр спорт мәктәбе мәйданында да Чакмагыш авыл биләмәсе хакимияте тарафыннан Яңа ел бәйрәмен күңелле итеп үткәрү һәм спортның кышкы төрләрен сөючеләр өчен шартлар тудырыла. Биредә тиздән авыл биләмәсе хакимияте башлыгы урынбасары Илгиз Ирек улы Сәлахов җитәкчелегендә эшләүче Рәлиф Гәрәев, Альберт Вәлиев, Айнур Кайбышев, Радис Вәлиев, Рәмил Гәрәев тырышлыгы белән боздан шәһәрчек булдырылачак. Алар шул ук вакытта тау, лабиринт, трон, фигуралар ясау һәм шәһәрчекне уратып алу өчен буадан боз кисәкләре китерү белән дә, биредә дә эшләргә өлгерәләр. Кыскасы, мәйдан тиз арала әкияти төс алсын, ә Яңа ел күңелле үтсен өчен барысы да тырыша.