Хәвефсезлек кагыйдәләрен кече яшьтән үк үтәргә өйрәтү өчен

Районда балаларга юл хәрәкәте хәвефсезлеге кагыйдәләрен кече яшьтән үк өйрәтүгә, аларны төгәл үтәүне тормыш нормасы итеп формалаштыруга аеруча зур игътибар бүленә. Юл хәрәкәте иминлеге дәүләт инспекциясе хезмәткәрләре даими рәвештә мәктәпкәчә белем бирү учреждениеләрендә, уку йортларында булып, балалар һәм үсмерләр белән очраша, юл хәрәкәте кагыйдәләрен аңлата-өйрәтә һәм бу җәһәттән белемнәрен ныгыту максатын алга алып, күп төрле тематик чаралар үткәрә.

Шушы көннәрдә чираттагы шундый очрашу Юмаш балалар бакчасында үтте. Район эчке эшләр бүлеге Юл хәрәкәте хәвефсезлеген тәэмин итү буенча дәүләт инспекциясенең пропаганда инспекторы, полициянең өлкән лейтенанты Ринат Гыйльметдинов биредә тәрбияләнүче балалар белән әңгәмәләшеп, тәрбиячеләр белән берлектә уен формасында хәвефсез юл йөрү кагыйдәләре турында мәгълүмәт җиткерде.
26 гыйнварда исә ул Рәҗәп урта мәктәбендә булып, анда белем алучы укучылар белән очрашты. Очрашу барышында ул юлларда балаларның җәрәхәтләнүен кисәтүгә юнәлтелгән “Җәяүлеләр кичүе”, “Балалар креслосы”, “Яктылык кайтаручы элементлар” темаларына профилактик әңгәмәләр үткәрде.
Болардан тыш, инспекция хезмәткәрләре системалы рәвештә юл хәвефсезлеге кагыйдәләрен төгәл үтәргә өндәп һәм район территориясеннән үткән юлларда теркәлгән юл-транспорт вакыйгалары турында аңлатып, киң мәгълүмат чаралары аша да райондашларга мәгълүмат җиткереп, агитация һәм пропаганда эшчәнлеген алып баралар.

Фото һәм мәгълүмат чыганагы: район эчке эшләр бүлеге Юл хәрәкәте хәвефсезлеген тәэмин итү буенча дәүләт инспекциясенең социаль челтәрләрдәге сәхифәләре.

Автор:Рәзилә Арсланова әзерләде

Читайте нас:

Свидетельство о регистрации СМИ: ПИ № ТУ 02 - 01387 от 5 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Амирханов Ф.Ф.

"Игенче" - общественно-политическая газета Главный редактор Амирханов Ф.Ф.

Телефон

8(34796)3-10-58

Электрон почта

[email protected]

Адресы

452200 Чекмагушевский район, с. Чекмагуш, ул. Ленина, 49.

Реклама хезмәте

8(34796)3-13-63

Редакция

8(34796)3-13-41

Кабул итү бүлмәсе

8(34796) 3-10-58

Хезмәттәшлек

8(34796)3-16-13

Кадрлар бүлеге

8(34796) 3-13-63