+21 °С
Болытлы
СВО
27 март , 10:15
Гаилә – илһам чыганагы
Китапханәдә әниләр һм балалар белән берлектә үткән чара бу сүзләрне чираттагы тапкыр дәлилләде Агымдагы ел республикабызда Зур һәм тату гаилә елы билгесе белән үтә.
Гаилә – илһам чыганагы
Шушы уңайдан тематик ел һәм “Гаилә” гомумдәүләт проекты чикләрендә районыбызның үзәк биләмәара китапханәсендә мавыктыргыч “Акыл уеннары” (“Игры разума”) дип исемләнгән гаилә интеллектуаль уен-викторинасы үтте. Аны китапханә хезмәткәрләре Яшьләр үзәге белгечләре белән берлектә оештырды. Чарага районыбызның күп балалы, талантлы һәм актив гаиләләре әгъзалары – Үрнәк авылыннан Раушания һәм Илназ Гәрәевлар, Чакмагыштан Валентина һәм Ярина Халиковалар, шулай ук махсус хәрби операция бурычларын үтәгәндә батырларча һәлак булган яугирләрнең якыннары – Чакмагыштан Севара, Илназ, Самир һәм Сабина Дөмәевлар һәм Аблай авылыннан Гермина, Азалия, Карина, Анелия Арслановлар чакырылды. Уен берничә өлештән торды. Тәүдә һәр команда әгъзалары видеопрезентация һәм музыкаль чыгышлар ярдәмендә үзләре белән таныштырды, мавыгулары һәм гаилә традицияләре турында сөйләде. Һәр гаиләнең презентациясе үзенчәлекле, күркәм булды. Квиз-уенның төп өлешендә командалар төрле темаларга багышланган биремнәрне башкардылар, сорауларга җавап бирделәр. Чара барышында алар мавыктыргыч конкурсларны үттеләр, шактый катлаулы математика, биология, сайлаулар хокукы өлкәсенә һәм туган республикабыз, районыбыз тарихына, аларның бүгенгесенә кагылышлы һәм башка күп төрле биремнәрне үтәделәр. Квиз-уенның һәр этабы анда катнашучылардан белем генә түгел, бергәләп, бер командада эшли, бер-береңнең фикерен тыңлый-тыңлый, гадәти булмаган чишелеш таба белүен дә таләп итте. Әниләр һәм балалар зур кызыксыну белән акыл-белем ярышына кушылды. Интеллектуаль бәйгегә район үзәкләштерелгән биләмәара китапханәсе директоры Алсу Радик кызы Гәрәева һәм Яшьләр үзәге педагогы Юлия Гайнислам кызы Хәкимова хөкемдарлык итте. Квиз-ярышны алып баручы һәм сценарий авторы, китапханәче Гөлнара Мөнәвир кызы Сәхибгәрәева аны дустанә, күңелле мохиттә, җанлы һәм мавыктыргыч итеп үткәрде. Әлеге чара анда катнашкан балаларның да, өлкәннәрнең дә күңелендә тик уңай, сөенечле тойгылар гына калдырды. Квиз барышында һәр гаилә әгъзаларының үзара дус һәм тату, бердәм булуы аеруча ачык сизелде. Уен ахырында һәр команда әгъзаларына Рәхмәт хатлары, татлы күчтәнәчләр һәм истәлекле бүләк тапшырылды. Чараны оештыручылар гаилә бәйрәмен үткәрүгә иганәчелек ярдәмен күрсәткән Чакмагыш районының территориаль сайлау комиссиясе рәисе Миләүшә Марс кызы Гыймаевага, “Ватанны саклаучылар” фондының райондагы бүлеге җитәкчесенә ярдәм итүче җирлегебезнең иң актив волонтерларының берсе Гөлнара Гарәби кызы Галимова бик тә рәхмәтле.
Гаилә – илһам чыганагы
Автор:Рәзилә Арсланова
© 2015-2026
Свидетельство о регистрации СМИ: ПИ № ТУ 02 - 01387 от 5 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Амирханов Ф.Ф.
"Игенче" - общественно-политическая газета
Главный редактор Амирханов Ф.Ф.
Телефон
8(34796)3-10-58
Электрон почта
gazetaigenche@mail.ru
Адресы
452200 Чекмагушевский район, с. Чекмагуш, ул. Ленина, 49.
Реклама хезмәте
8(34796)3-13-63
Редакция
8(34796)3-13-41
Кабул итү бүлмәсе
8(34796) 3-10-58
Хезмәттәшлек
8(34796)3-16-13
Кадрлар бүлеге
8(34796) 3-13-63