«Август. Очрашу. Ярдәм»

Очрашу чын җылылык утравына әверелде. Тәүдә анда катнашучылар үз-үзләре белән калды – «Күңел серләре» тренингы   үз эчке халәтен карарга һәм аны кәгазьгә күчерергә ярдәм итте. Рәсемнәр гадел һәм тере килеп чыкты, ә аларның аңлатмасы күпләр өчен кечкенә ачыш булды. Артабан үткәрелгән  «Безнең алан» осталык дәресе  һәммәсенә дә җиңеллек һәм рәхәтлек бүләк итте. Йомшак пластилин кулларда нәфис, гадәти булмаган һәм  матур иҗатка әверелде. Һәркемнең үз уникаль чәчәге, үз күңел почмагы килеп чыкты. Эш арасында күңелгә ятышлы сөйләшүләр туды,   ярдәм сүзләре яңгырады, ә аралашу чын кыйммәткә әверелде. “Безнең белән булганыгыз өчен һәркемгә рәхмәт белдерәбез. Яңа очрашуларга кадәр!” – дип хушлашты чараны оештыручылар.