Тантананы кичке тамаша тәмамлады

Аның барышында иҗади коллективлар һәм район, авыл мәдәният йортларының үзешчән сәхнә осталары башкаруында Бөек Ватан сугышы елларындагы һәм заманча җырлар яңгырады. Тамашачылар игътибарына дәртле биюләр дә тәкъдим ителде. Бу сәгатьләрдә патриотик концерт программасын караган олысы-кечесе сәнгатькәрләрнең һәр чыгышын бик җылы каршылап, кул чабулар белән озатты.