Туган як тарихына багышлап

Күптән түгел Русия халыкларының мәдәни мирасы елына багышланган республика күләмендәге конкурс тәмамланды. Аны Ә.-З. Вәлиди исемендәге Милли китапханә “Башкортстан Республикасының крайны өйрәнүчеләр җәмгыяте” белән берлектә оештырган иде. Бәйге төбәктәге китапханәләр алып барган туган якны өйрәнү һәм фәнни-тикшеренү эшчәнлегенә җәмгыять игътибарын җәлеп итү максаты белән үткәрелде.

Конкурста катнашу өчен 35 муниципаль берләшмәдән 68 иҗади эш тапшырылды. Алар “Уенчык-китап”, “Видеофильм”, “Мультфильм” дип исемләнгән өч номинация буенча кабул ителде. Бәйгедә 9 яшьтән 85 яшькәчә булган 116 кеше – китапханәләр хезмәткәрләре, фольклор коллективлары үзешчәннәре, педагоглар, укучылар һәм хаклы ялдагы өлкәннәр катнашты.
Безнең Чакмагыш районыннан бу конкурска Калмашбаш авылы китапханәчесе Гүзәлия Фәвил кызы Латыйпова “Әбхәер тавы турында риваять” дип исемләнгән иҗади эшен тапшырды һәм “Видеофильм” номинациясендә икенче урынны яулады. Район үзәкләштерелгән китапханәсе коллективы һәм авыллардагы филиалларда эшләүче хезмәттәшләре аны бу уңышы белән котлап, артабан да югары казанышларга ирешүен тели.

Автор:Ильмира Шәйдуллина, үзәк район китапханәсенең өлкән китапханәчесе.

Читайте нас:

Свидетельство о регистрации СМИ: ПИ № ТУ 02 - 01387 от 5 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Амирханов Ф.Ф.

"Игенче" - общественно-политическая газета Главный редактор Амирханов Ф.Ф.

Телефон

8(34796)3-10-58

Электрон почта

[email protected]

Адресы

452200 Чекмагушевский район, с. Чекмагуш, ул. Ленина, 49.

Реклама хезмәте

8(34796)3-13-63

Редакция

8(34796)3-13-41

Кабул итү бүлмәсе

8(34796) 3-10-58

Хезмәттәшлек

8(34796)3-16-13

Кадрлар бүлеге

8(34796) 3-13-63