«Террорчылык – җәмгыятькә хәвеф тудыра»

Чара ел саен 3 сентябрьдә билгеләп үтелә торган террорчылыкка каршы көрәш көненә багышланган иде. Хезмәткәрләр өчен инструктажны хезмәтне саклау буенча белгеч Эльза Вәлиуллина үткәрде. Ул мәдәният хезмәткәрләренә шикле әйберләр һәм затлар табылганда эш итү алгоритмын, гадәттән тыш хәл килеп чыккан очракта килүчеләрне эвакуацияләү кагыйдәләрен, шулай ук кешеләр күп була торган урыннарда хәвефсезлекне тәэмин итү буенча төп чараларны җентекләп аңлатты. Очрашуда катнашучылар иминлек мәсьәләләре, милләтара диалогның әһәмияте һәм шәхси уяулык кагыйдәләре турында фикер алыштылар.

Бәхәснең төп нәтиҗәсе: гражданнарның бердәмлеге һәм битараф булмавы — ул экстремизм идеологиясенә һәм төрле хәвефкә каршы торырга мөмкинлек бирә торган нигез. Мондый чаралар хәвефсезлек культурасын формалаштыруда төп роль уйный. Чөнки террорчылык чикләрне белми, бары тик безнең игътибарлылык, җаваплылык һәм бер-беребезгә ярдәмгә килергә әзер булуыбыз гына районыбызда һәм бөтен илебездә тынычлык һәм иминлекне тәэмин итә ала.