Тырыш игенчеләрнең күңелләрен күтәреп

Мәдәни чара төшке аш вакытында  басу өстендә  үтте һәм  рып-җыю эшләрендә тир түгеп хезмәт салучылар  өчен чагу бүләк булды. Гадәттәгечә сәхнә урынына – иксез-чиксез басулар, тамаша залы урынына – авыр хезмәттән арыган, ләкин рәхмәтле игенчеләр. Нәкъ менә шундый мохиттә сәнгать аеруча җылы һәм ихлас яңгырый. Концерт программасы халык һәм эстрада җырлары, дәртле халык биюләре, бер урында гына утырып булмый торган дәртле баян көйләреннән  гыйбарәт иде. Игенчеләр һәр номерны кайнар алкышлар һәм ихлас елмаюлар белән каршы алдылар. Күпләр өчен бу зур булмаган концерт урып-җыюның иң кызган вакытында чын илһам чыганагы булды.