Дәүләт ярдәме белән авыл кооперациясе үсә

Район территориясендә бүгнге көндә 10 авыл хуҗалыгы кулланучылар кооперативы (СПоК) уңышлы эшләп килә, алар 200дән артык пайчыны берләштерә. Аларның эшчәнлек юнәлешләре төрле: ашлык, ит, яшелчә эшкәртү һәм башкалар. Алар арасында уңышлы эләп килүчеләрнең берсе – «Баракат» кулланучы кооперативы.

11 фермер һәм шәхси ярдәмче хуҗалыклар бергәләп кош-корт үстерү һәм терлек азыгы әзерләү белән шөгыльләнәләр. Өч ел эчендә кооператив авыл хуҗалыгы министрлыгы аша 5,5 млн сумнан артык субсидия алган. Акчалар җитештерүне үстерүгә, трактор, туфрак эшкәртү агрегаты, ит төрү җайланмалары сатып алуга юнәлдерелгән.

Илдар  Хәлиуллин җитәкләгән кооперативка уңышлар телибез.