Алгы сызыктагы якташларыбызга милли ризык әзерләгәннәр

Рәҗәп урта мәктәбенең укытучылары, пешекчеләре, укучылары әлеге флешмобка бик теләп кушылдылар. Чара махсус хәрби операциядә катнашучыларга һәм аларның гаиләләренә ярдәм елына багышланган. Мәктәп пешекчесе укучылар өчен татар милли ризыгы – чәк-чәк әзерләү буенча осталык дәресе үткәрде. “Безнең ихлас күңелдән әзерләгән чәк-чәкләр чираттагы гуманитар йөк белән алгы сызыкка китәчәк. Бу якташ яугирләребезнең хезмәте һәм Ватаныбызны саклаулары өчен рәхмәт йөзеннән эшләнде. Без яклаучыларыбыз белән горурланабыз һәм һәрчак аларга ярдәм итәргә әзер”, – диләр әлеге флешмобта катнашучылар.