Укучыларның хатлары солдатларны куандырсын

Махсус хәрби операция зонасында хәрби бурычлар үтәүче якташларыбызга да мондый ярдәмне тою бик мөһим. Чакмагыш гимназиясе укучылары хәрби-спорт һәм патриотик эшчәнлек айлыгы чикләрендә Ватанны саклаучыларга, махсус хәрби операция яугирләренә ярдәм йөзеннән "Солдатка хат" акциясенә актив кушылдылар. Алар Русия солдатларына теләктәшлек сүзләре белән хатлар яздылар. Хатларында балалар җылы һәм ихлас теләкләрен, рәхмәт сүзләрен җиткерделәр. Шулай ук алар барлык якташларыбызга да хәрби бурычларны уңышлы үтәүләрен һәм тизрәк өйләренә кайтуларын теләделәр.
Укучылар ихлас күңелдән язылган хат юллары безнең солдатларны сөендерер, аларның рухын күтәрер дигән ышанычта.