Игътибар һәм кайгыртучанлык күрсәтеп

Гимназия укучыларының әти-әниләре махсус хәрби операция зонасында бурычларын үтәгән балалар өчен махсус оештырылган «Җылылык һәм кайгыртучанлык күпере» чарасы да бик җылы һәм дустанә мохиттә үтте. Директорның тәрбия буенча киңәшчесе Эльвина Илдар кызы Яхина балалар өчен танып-белү һәм иҗади осталык дәресе оештырып, алмаз мозаикасыннан чагу төстәге брелоклар ясау процессы белән таныштырды. Бу активлык балаларга үзләрен чын рәссамнар итеп тоярга, фантазияләрен күрсәтергә мөмкинлек бирде һәм уңай хис-кичерешләр бүләк итте.
Чара бердәмлек, кайгыртучанлык һәм ярдәм символына әверелеп, истәлекле бүләкләр тапшыру һәм бергәләшеп чәй табыны артында тәмамланды. Биредәдәге мохит эчкерсез җылылык, дусларча аралашу һәм шатлыклы елмаюлар белән тулган иде. Мондый вакыйгалар бу катлаулы чорда әхлакны ныгытуга, гаиләләргә ярдәм итүгә һәм балаларның йөрәкләрендә игътибар һәм мәхәббәт тойгысын саклауга юнәлдерелгән инициативаларның әһәмиятен ассызыклый.
Әйтергә кирәк, «Җылылык һәм кайгыртучанлык күпере» волонтерлык инициативасы Башкортстан Республикасының балалар иҗтимагый киңлекләре челтәре арасында волонтерлык инициативалары конкурсында җиңүче булды. Конкурс Уфаның «Шәһәрне үстерү иҗтимагый фонды» социаль, мәдәни һәм икътисадый үсеш фонды тарафыннан Башкортостан Республикасында Бала хокуклары буенча вәкаләтле вәкил аппараты ярдәмендә гамәлгә ашырыла.