Туган як тарихына күзәтү ясап

«Мәдәният» милли проекты кысаларында төзелгән Иске Калмаш авылы модельле китапханәсе авыл тарихына һәм тормышына, шулай ук махсус хәрби операциядә катнашучы якташларга багышланган бай һәм эчтәлекле китап күргәзмәләре тәкъдим итте. Чара кунаклары авыл халкының гореф-гадәтләре, мәдәнияте һәм язмышлары турында төрле басмалар белән таныштылар. Иске Калмаш авылының үткәне турында сөйләүче сирәк китаплар һәм архив материаллары аларда аеруча кызыксыну уятты. Күргәзмәдә тәкъдим ителгән китапларга күзәтү һәркемгә район һәм авыл тарихына тирәнрәк кереп китәргә ярдәм итте, мәдәни мирасыбызны өйрәнергә һәм сакларга дәртләндерде. Бәйрәмгә килүчеләр тарафыннан истәлекләргә, туган якны өйрәнүчеләр һәм җирле халык белән җанлы аралашуга бай мохит югары бәһа алды. Чара төрле буын кешеләрен уртак кыйммәтләр белән берләштерде һәм әлеге истәлекле чараны лаеклы билгеләп үтәргә мөмкинлек бирде. Иске Калмаш авылының табигате җир асты байлыкларына, чыганакларга бай, аның үсемлекләр һәм хайваннар дөньясы төрле. Шулай да аның төп байлыгы – кешеләр. Шундый искиткеч кешеләрнең берсе, шагыйрә, хөрмәтле Резеда Флүр кызы Шакирова да күргәзмәләр белән танышты. Ул ихлас тәэссоратлары белән уртаклашты һәм китапханә хезмәткәрләренә һөнәри осталыклары өчен рәхмәт белдерде. Иске Калмаш модельле китапханә хезмәткәрләре барлык катнашучыларга һәм кунакларга актив катнашулары һәм туган ягыбыз тарихы белән кызыксынулары өчен рәхмәт белдерә.