Ватаныбыз тынычлыгын саклаучы якташыбыз гимназиядә булды

Ул кунакка гына килмәде, ә үзе белән бүләкләр дә алып килде. Тәнәфес вакытларын ямьләндерү, файдалы үткәрү өчен "Кеша" укучыларга өстәл уеннары бүләк итте. Очрашу җылы һәм күңелле узды. Балалар яугирнең хәрби хезмәте турында сөйләгәннәрен сокланып тыңладылар, солдатларның көнкүреше һәм батырлыгы турында сораулар бирделәр. Ә якташыбыз, үз чиратында, балаларга җылы хатлары белән ярдәм итүләре, рухи көч бирүләре өчен рәхмәт белдерде. Мондый кыю, батыр рухлы геройларыбыз һәммәбездә дә тик соклану һәм горурлык тойгылары уята һәм без аларга Ватаныбызны саклаганнары өчен рәхмәт белдерәбез.