Алгы сызыкка – “Сәламәтлек кашыклары”

         Чакмагыш  гимназиясендә укучылар, укытучылар  бергәләшеп алгы сызыктагы геройларыбыз өчен «Сәламәтлек кашыклары» ясадылар. Һәр кашыкта – табигый бал, хуш исле чәй һәм Башкортстаныбызның шифалы үләннәре. Иң мөһиме, һәр кашыкта балаларның   "Сәламәтлек!", "Без сезне көтәбез!", "Җиңү безнең кулда булачак!» кебек төрле язулары да бар.

         “Безнең бу кечкенә бүләкләребез  яугир якташларыбызның күңелен җылытыр һәм  көч бирер. Безнең якты киләчәгебезне кайгыртучы һәм җиңүгә ышаныч  бирүче яугирләргә  бик рәхмәтлебез!” – дигән фикердә алар.