90 яше белән тәбрикләделәр

9 дистәне узган райондашыбызга бу көнне иң изге теләкләр җиткерелде, Котлау открыткалары белән бүләкләр тапшырылды. Әминә әбинең тормыш юлы ул яшәгән дәвердә гомер кичергән кешеләрнекенә охшаш. Авыр сугыш еллары, сугыштан соң чор аларның иңнәренә төшә. Шулай булуга карамастан, Әминә әби бүген дә күңел күтәренкелеген югалтмый: якыннарының кадер-хөрмәтенә төренеп матур гомер кичерә. Без дә Әминә әбине юбилее белән котлап, аңа ныклы сәламәтлек, тазалык, хәерле озын гомер телибез!