Безнекеләр булдыра!

Шушы көннәрдә Дүртөйле шәһәрендә башкорт егетләре арасында "Батыр егет – ил күрке" район конкурсы узды.
Конкурс Башкортстан Республикасы башлыгы Грантлары Фонды ярдәмендә оештырылды.
Бу конкурс чын талантлар бәйрәменә әверелде, анда яшьләр үзләренең көчләрен, җитезлекләрен һәм традицияләребез рухында зирәклекләрен күрсәтә алдылар. Һәр катнашучы уникаль номерлар: визит карточкалары, өй эше үтәлеше һәм иҗади чыгышлар әзерләде, алар беркемне дә битараф калдырмады.
Район мәдәният йорты хезмәткәре Руслан Әбдиев бу масштаблы чарада катнашып, "Иң көчле батыр"номинациясендә диплом яулады!
Руслан үзенең физик көчен һәм осталыгын гына түгел, чын ир-егетлек кыйммәтләрен — батырлыгын, намуслылыгын һәм җиңүгә омтылышын да күрсәтте. Аның уңышы күп кенә яшьләрне спорт белән шөгыльләнергә һәм мәдәни традицияләребезне сакларга рухландыра. Русланны бу мөһим җиңүе белән котлыйбыз һәм аңа алга таба уңышлар телибез!