Мәдәният йорты яңа сулыш алды

1967 елда төзелгән бинага озак еллар дәвамында ремонт ясалмаган иде. Ремонт барышында беренче каттагы барлык бүлмәләр дә яңартылды. Авыл мәдәният йорты яңа сулыш алды: заманча сәхнә, уңайлы креслолар белән 222 урынлык тамаша залы, яңартылган фойе, идәннәр, тәрәзә һәм ишекләр, шулай ук стена һәм түшәмнәр алмаштырылды. Сәламәтлек мөмкинлекләре чикле кешеләрнең файдалана алуын тәэмин итүгә аерым игътибар бирелде, ике керү төркеме куелды, яктырту утлары яңартылды һәм янгын сигнализациясе монтажланды. «Мәдәният» илкүләм проекты кысаларында мондый объектларны ачу мәдәни мирасны саклап калу гына түгел, балаларның һәм өлкәннәрнең иҗади сәләтләрен үстерүгә дә ярдәм итә. Мәдәният йортларын модернизацияләү ял итү өчен уңайлы шартлар тудырырга ярдәм итә, бу исә, үз чиратында, тормыш сыйфатына уңай йогынты ясый. Бу урындагы халыкка мәдәни тормышта күбрәк катнашырга, аралашырга һәм үз сәләтләрен үстерергә мөмкинлек бирә. Иске Калмаш авылы мәдәният йорты хәзер тагын да күбрәк тамашачыны җәлеп итәр дип өметләнәбез!