Башкортстанда авыл мәдәният хезмәткәрләренә ярдәмне киңәйтәчәкләр

Бу авылга өстәмә рәвештә 74 профильле белгечне җәлеп итәргә мөмкинлек бирәчәк: 30ы республика программасы кысаларында һәм 44е агымдагы елда эшли башлаячак федераль программада катнашу исәбенә.
Бу хакта Башкортстан Хөкүмәтенең оператив киңәшмәсендә БР мәдәният министры Әминә Шәфыйкова хәбәр итте. Әминә Шәфыйкова «Земство мәдәният хезмәткәре» федераль программасын эшләгәндә Башкортстан тәҗрибәсе игътибарга алынуын искәртте. Безнең республикада шундый ук программа 2021 елдан бирле гамәлгә ашырыла. Ул республика башлыгы Радий Хәбиров башлангычы белән эшләтеп җибәрелде. 2021-2022 елларда Башкортстанның авылларында һәм кече шәһәрләрендә эшләүче мәдәният хезмәткәрләре 500 мең сум түләргә дәгъва итә алган, 2023 елдан сумма 1 млн сумга кадәр арткан. Программаны гамәлгә ашыру чорында әлеге максатларга барлыгы 105 млн сум бүлеп бирелгән. Түләүләрне 150 белгеч алды, алар арасында 75 Мәдәният-ял итү учреждениеләре хезмәткәре, 63 балалар сәнгать мәктәбе укытучысы, 4 китапханә хезмәткәре, 8 музей белгече. Алучыларның уртача яше-29 яшь.

Чыганак: Башинформ