Алар легенда булырга лаеклы

Күптән түгел өлкән яшьтәге райондашыбыз – хөрмәтле Җәмигнур Зиазетдин улы Борһанов үзенең 90 яшьлек юбилеен каршылады. Юбилярны шундый мөһим вакыйга белән котларга авыл биләмәсе хакимияте җитәкчелеге, Иске Сөрмәт, Рәҗәп авылы мәдәният йортлары хезмәткәрләре килде.
Алар юбилярга озын гомер, сәламәтлек, бәхетле имин тормыш теләде.
Олы яшьтәге кешегә күп кирәкме? Сәламәтлек һәм бераз игътибар – иң мөһиме.Юбиляр бүләкләрне һәм теләкләрне рәхмәт белән кабул итте.