Күпкырлы талант иясен искә алу кичәсе

Бу көннәрдә аңа 70 яшь тулган булыр иде. Ринат Сабир улы Бадамшин 40 елдан артык Яңа Калмаш авылы клубы мөдире булып эшләгән. Чакмагыш районы мәдәнияте һәм сәнгате үсешенә аның өлеше бик зур. Ринат Сабир улы авыл клубында гына түгел, башкалабызның һәм республикабызның күп районнарының мәдәният йортлары сәхнәләрендә дә уйнаган. Үз эшчәнлеге елларында аңа күп кенә үзешчән коллективлар һәм башкаручылар белән эшләргә туры килә.
Шул ук вакытта ул үзен чын остаз һәм җыр башкару белгече итеп таныта. Күпкырлы таланты өчен ул бихисап мактаулы исемнәргә лаек була.
Кичәдә Ринат Сабир улы Бадамшинның авылдашлары, элеккеге хезмәттәшләре, сыйныфташлары һәм якыннары катнашты. Чыгыш ясаучылар аның намуслы, ярдәмчел һәм рухи яктан бай кеше, уникаль гармунчы, яхшы гаилә башлыгы булуы турында сөйләделәр. Аның турындагы истәлекләр күңелгә хуш килгән җырлар һәм шигырьләр белән үрелеп барды.