Чакмагышым – туган төягем

 Анда тарихи мирасны үзләштерү, тамырларын өйрәнү һәм мәдәни традицияләр белән танышу максатында авыл халкы чакырылган иде. Чара китапханәченең сәламләү сүзеннән башланып китте. Ул мәдәни мирасны саклауның мөһимлегенә басым ясады. Артабан район һәм Чакмагыш авылы үсешенә сизелерлек йогынты ясаган тарихи вакыйгаларга һәм күренекле шәхесләргә күзәтү ясалды.
Чара барышында кунаклар традицион шөгыльләр, көнкүреш торышы һәм ата-бабаларның мәдәни үзенчәлекләре турында мәгълүмат алдылар. Төбәкнең тарихына һәм мәдәниятенә багышланган махсус басмалар, шулай ук Чакмагыш районы турында документаль фильм күрсәтелде. Китап сөючеләр фикер алышуда актив катнаштылар, сораулар бирделәр һәм үзләренең истәлекләре белән уртаклаштылар, бу исә тере һәм танып белү мохите тудыруга ярдәм итте.
Чара ахырында барлык катнашучылар да җылы саубуллашып, тарихи үткәннәргә кагылырга мөмкинлек биргәннәре өчен рәхмәт белдерделәр.