Халкыбызның уртак бәйрәме

Районның туган көне – Чакмагыш халкының уртак бәйрәме, үзләренең кече Ватаннары өчен бердәмлек һәм горурлык символы. Бу истәлекле бәйрәм – төбәкне төзүчеләргә рәхмәт белдерү һәм аның алга таба үсешенә, чәчәк атуына һәм иминлегенә өмет белдерү көне. Әлеге күркәм дата уңаеннан Югары Аташ китапханәсендә “Үткәннәрдән башка киләчәк юк” дигән китап күргәзмә-экспозициясе әзерләнде. Анда район авылларының үткәне һәм бүгенге социаль-мәдәни һәм икътисадый тормышы, районыбызның танылган кешеләре, тумышы белән безнең район вәкилләре, Советлар Союзы һәм Русия Геройлары, Бөек Ватан сугышы елларында фронтларда сугышкан солдатлар һәм тыл хезмәтчәннәре турында материаллар тәкъдим ителде. Монда ук безнең талантлы якташларыбыз – шагыйрьләр һәм язучылар, рәссамнар турында мәгълүмат тупланган, алар үз әсәрләрендә туган якны яратуларын нечкә итеп чагылдыралар. Бу истәлекле көнне китапханәдә яшүсмерләр өчен “Күпкырлы минем төбәгем” исемле танып-белү сәяхәте узды. Чара барышында балалар туган районыбыз тарихы белән таныштылар. Тема аудитория өчен актуаль иде. Укучылар районның нигезләнү тарихы, истәлекле урыннары, танылган якташлары турында мәгълүмат тыңладылар, районыбызга кагылышлы архив фотолар һәм видеолар карадылар, туган якны өйрәнү темасына әдәбият белән таныштылар. Районыбыз алга таба да үсеп, төзекләндерелеп торсын, ә аның халкы аның язмышына катнашлыгын тоеп яшәсен.