+22 °С
Яңгыр
Культура и искусство
12 ноябрь 2025, 04:45
"Халкымның күңел бизәкләре" дигән мастер-класс узды
Киез басу сәнгате – буыннардан-буынга күчеп килгән борынгы кәсеп. Бу сәнгать төре бүгенге көндә дә популярлык яулый бара. Ул кул эшенең аерым бер техникасы булып тора, аның барышында киезне тукымага ябыштырып, панно ясарга яки кием әзерләргә мөмкин. Коры киездән эшләнмәләр ясау техникасын картиналар һәм күләмле әйберләр эшләгәндә кулланып була.
"Халкымның күңел бизәкләре" дигән мастер-класс узды
Нәфисә Рабис кызы Гыльметдинова бу иҗат төренең серләрен яхшы белә һәм гадәти булмаган композицияләр иҗат итә. Аның кул эшләре кабатланмас стиле белән аерылып тора. Останың төрле иҗат җимешләре бихисап. Алар районыбызның Тарихи һәм туган якны өйрәнү музеенда урнашкан “Чакматаш” картиналар галереясен дә бизи.
Шушы көннәрдә Балалар сәнгать мәктәбендә "Халкымның күңел бизәкләре" дигән мастер-класс узды.
Нәфисә Рабис кызы Гыйльметдинова киез эшләнмәләр үзәгенә экскурсия үткәрде һәм укучыларны киез эшләнмәләр ясауның төрле техникасы белән таныштырды.
Аннары укучылар киптерү техникасы ярдәмендә бизәкләрне үзләре ясап карадылар. Аларга бу процесс бик ошады, укучылар мастер-классларга тагын берничә тапкыр килерләр, дип өметләнәбез.
"Халкымның күңел бизәкләре" дигән мастер-класс узды
