Гимназия талантларының өч искиткеч матур җиңүе!    

Бу иҗат бәйрәме бөтен Русиядән һәм якын чит илләрдән 28 коллективны җыеп, шәһәрне чын мода һәм илһам  үзәгенә әверелдерде. Бу якты талантлар йолдызлыгы арасында Гүзәлия Наил кызы Галиева   җитәкчелегендәге яшь дизайнерларыбыз да балкып торды. Кызлар киеренке өч номинациягә кыю адым ясадылар, анда аларга үз яшь категорияләрендә 78 искиткеч коллекция белән ярышырга туры килде.           Талантлы кызларыбыз “Костюм театры” номинациясендә I дәрәҗә лауреат булды! Корней Чуковскийның  “Муха-Цокотуха” әкиятенә нигезләнеп туган  "Сказка Корнея с прикусом варенья. Ниточки детства” яңа коллекциясе жюри күңелен үзенчәлеге белән генә түгел, ә гениаль гәүдәләнеше белән дә яулап алды. Жюри бу коллекцияне нәкъ шулай шәрехләде.          "Модалы/костюмлы шоу" номинациясендә II дәрәҗә лауреат булдылар! "Косогоры, горы-горы, Буераки, реки, раки” коллекциясе жюри әгъзаларының йөрәкләрен җанлы хис-кичерешләр һәм ачык костюмнар белән әсир итте.             "Дефиле" номинациясендә  исә   I дәрәҗә лауреат.   Юлиана Мәгалимова искиткеч грация күрсәтеп кенә калмады, үзенең яшь категориясендә 84 модель арасында лауреат дипломын яулап, югары дәрәҗәле жюрины үзенең харизмасы белән яулады. Бу өч җиңү генә түгел, бу чиксез талант, тырыш хезмәт, кызларыбызның һәм, әлбәттә инде, аларның илһамчысы һәм остазы Гүзәлия Наил кызының үз эшенә тугрылыгы нәтиҗәсе!            "Талантлы кызларыбызның иҗади тормышында һәм эшчәнлегендә чиксез ярдәм иткәннәре өчен әти-әниләргә чын күңелдән олы рәхмәтемне белдерәм. Әлбәттә, кадерле тәрбияләнүчеләремә аерым, чын сөю хисләре белән тулы рәхмәтемне җиткерәм. Сезнең фидакарьлегегез, кабатланмас энергиягез, гаҗәеп харизмагыз,  балкып торган талантыгыз һәм ныклы дуслыгыгыз, татулыгыгыз – менә шушы зур, матур җиңүләргә ирешүнең сере. Сезнең һәрберегез белән мин чиксез горурланам, сез – минем илһам чыганагы!" – ди Гүзәлия Наил кызы, ихлас тәэссоратлары белән уртаклашып.            Бу якты җиңүләр сезнең өчен тагын да биегрәк үрләрне яулау өчен трамплин булсын! Җиңүләрегез, уңышларыгыз артып торсын, дигән теләкләрдә калабыз.