Балалар китабы атналыгы

               Аны ачуга багышланган “Әкият каламбуры” дип аталган театральләштерелгән тамаша бәйрәмнең чагу башы булды. Ул яшь кунакларны төрле яраткан әкиятләр  персонажлары белән каршы алды. Китаплар патшабикәсе (Гөлнара Китапова), Всезнайка (Элида Хафизова) һәм хәтта шаян Убырлы карчык та (Ильмира Шәфыйкова)  балаларны яраткан әсәрләр  битләре буйлап гаҗәеп сәяхәткә чакырдылар. Чарада катнашучылар әкият геройларын иллюстрацияләр буенча актив таныдылар, «Исемне тулыландыр», «Әкиятне тап», «Иң акыллы» һәм башка мавыктыргыч конкурсларда зур теләк белән катнаштылар. «Многонациональное разноцветье» викторинасы аеруча кызыксыну уятты: балалар Русия символлары, төрле халыкларның  әкиятләре турындагы сорауларга җаваплар бирделәр, фольклор геройлары, милли киемнәр, биюләр белән таныштылар. Төп геройлар берсенә дә күңелсезләнергә ирек бирмәделәр – яшь китап сөючеләрнең белемнәрен тикшерделәр, хәйләкәр сораулар бирделәр һәм аларны бераз бутарга тырыштылар, ләкин кызлар һәм малайлар барлык сынауларны да лаеклы  җиңделәр.  Китапханәнең иң яхшы укучыларын төрле номинацияләрдә дипломнар белән бүләкләү – чараның иң тантаналы мизгеле булды. Бәйрәм балаларда якты тәэссоратлар калдырды, яңа укуларга илһамландырды һәм китапның гаҗәеп маҗараларга ачкыч булуын искәртте. Китапханә хезмәткәрләре иганәчеләр Г.Р. Латыйповага («Ленара» кибете) балаларны бүләкләр белән сөендергәне өчен рәхмәт белдерә. Атна дәвамында биредә оештырылган матур чаралар: Балалар китабы атналыгы һәм «Гаилә» милли проекты  кысаларында беренче сыйныф укучылары өчен  узган «Жила-была книга» исемле   мавыктыргыч сәяхәт, “Гаилә”  милли проекты һәм  “Китапханә һәм гаилә”  клубы чикләрендә узган беренче урта мәктәпнең 3В һәм 3Г сыйныфлары укучылары һәм аларның әти-әниләре өчен “Китап патшалыгында – акыллы дәүләттә”   гаилә шатлык кичәсе,   Чакмагыш гимназиясенең  2в сыйныфы укучылары белән узган  «Яшьләр һәм балалар» милли проекты кысаларында Русия халыклары бердәмлеге елына багышланган  «Халыклар дуслыгында – ил бердәмлеге!”  интеллектуаль уены,  беренче урта мәктәпнең 5А сыйныфы һәм гимназиянең 5Б сыйныфы укучылары өчен «Словариягә сәяхәт”,  гимназиянең 3б сыйныфы укучылары катнашлыгында «Гаилә» милли проекты кысаларында үткән Ганс Христиан Андерсенның иҗатына багышланган «Андерсен әкиятләре йолдызлыгы» әдәби аланы,   «Гаилә» милли проекты кысаларында «Игелек территориясе»  хезмәткәрләре белән берлектә сәламәтлек торышлары буенча  мөмкинлекләре чикләнгән балалар һәм аларның әти-әниләре өчен оештырылган “Золушка балында” гаилә бәйрәме  дә бик мавыктыргыч һәм күңелле үтте. Балалар китабы атнасы  әнә шулай яраткан геройлар  белән очрашуларга, тылсымлы тарихлар һәм онытылмас маҗараларга бай булды. Ул, һәр елдагыча,  бик чагу, якты һәм истә калырлык булды.   Китап сөюче китапханәнең яшь дуслары ишеткәннәрдән һәм күргәннәрдән бик зур ләззәт алдылар, бәйрәм ахырында  күргәзмәдән үзләрендә аеруча кызыксыну уяткан китаплар алып, өйләренә таралыштылар.